06.11.2020

“Əsgərə məktub” layihəsi davam edir

Xızı rayon Təhsil Şöbəsinin təşkilatçılığı ilə həyata keçirilən “Əsgərə məktub” layihəsi davam edir.

Rəşadətli Ordumuzun qalibiyyəti münasibəti Xızı rayonunda fəaliyyət göstərən ümumi təhsil müəssisələrində təhsil alan I-XI sinif şagirdləri könüllülük əsasında əsgərlərə məktub yazırlar.

Layihənin əsas məqsədi əsgərlərimizə mənəvi dayaq olmaq, ictimaiyyətin ordu ilə birliyini daha da gücləndirmək və məktəblilərin vətənpərvərlik ruhunda tərbiyəsi işinə töhfə verməkdən ibarətdir.

Şagird məktublarında Azərbaycan əsgərinə göstərdiyi qəhrəmanlığa və möhkəm iradəyə görə minnətdarlıq edilir, xalqımızın hər bir nümayəndəsinin döyüşə hazır olduğu bildirilir və ərazi bütövlüyümüzün bərpasına sonsuz inam ifadə olunur

Xalqımızın birliyini nümayiş etdirən, yaşından asılı olmayaraq hər kəsin mübariz ruhunun təcəssümü olan əsgərlərə yazılan məktublar rayonun təhsil işçiləri tərəfindən cəbhə bölgəsində xidmət edən əsgərlərimizə çatdırılacaqdır.


Açar sözlər: ,